Deputetja opozitare Mesila Doda, ka komentuar gjatë një interviste televizive përplasjet mes Spahos dhe Bardhit sot në Parlament. Doda tha se këto janë shfaqje të turpshme që duhen kursyer para publikut. Sipas saj është e patolerushme që dy deputetë të PD të zihen e të shkojë Erion Braçe t’i ndajë. Më tutje Doda Doda tha se opozita duhet të vendosë ekuilibrat e duhur demokratike, për të mposhtur qeverinë, në vend që të merret me debate pa asnjë produktivitet.
“Do të duhet të filloj një lloj normaliteti. Tek e fundit nuk funksionon kështu demokracia. Po të shihni bëmat e aleancës do të rriten sepse do të duhen që ekuilibrat demokratike do të kenë mundësi të jetësohen. Do të na duhet të dalim edhe mbi veten dhe të kuptojmë detyrën që kemi, që të kursejmë shfaqje të tilla në publik, që dy deputetë të PD të zihen dhe të futet Erion Braçe që t’i ndajë. Unë pothuajse 7 vite më parë i kam thënë argumentet e mia. Nuk ndjej se kam lënë gjë mangut për të bërë në debatin e brendshëm. Më vjen keq që opozita shqiptare s’ka vendosur ekuilibrat e duhur. Deri këtu duhet të jetë pozicionimi im, që përfaqësoj një parti tjetër. Nëse nuk gjejnë një gjuhë të përbashkët, për të gjetur mirëkuptim. U fol për fraksionet, por nëse nuk gjendet një formulë që të jenë të përfshirë të gjithë do të kemi rezultate dëshpëruese. Edhe të gjithë bashkë e kishim të vështirë t’i përgjigjemi arrogancës”, tha Doda. Sipas saj zgjedhjet treguan se nga përplasjet e kota në Kuvend viktima mbeten qytetarët.
Discussion about this post