Partia Demokratike, si rrahëherë sot ka nxituar të bëjë publike fotot dhe fjalët e kandidatit pothuajse inekzistent për kryetar partie, Ibsen Elezi, e cili është i vetmi që i doli përballë Berishës në këto zgjedhje anormale, pasi ende drejtësia nuk është shprehur me vendim të formës së prerë mbi ankimin e bërë se kujt i takon Partia Demokratike.
Ajo që u vu re është fakti se zyra e shtypit të PD, për të propaganduar sikur është transparente për këto zgjedhje, ka shpërndarë edhe fjalën e fotot e kandidatit Elezi, i cili në mbarë opinionin publik dihet se është mision i pamundur fitorja e tillë përballë Berishës. Kjo duket tamam si një qokë pa vlerë, në një kohë kur asnjë fjalë e zërave kundër Berishës, pavarësisht roleve që kanë në Partinë Demokratike, nuk shpërndahen nga zyra e shtypit, e cila duket qartë si një pjellë e familjes Berisha.
Por më alarmante se fakti që Berisha nuk u jep zë të gjithë njerëzve në PD, qofshin ata edhe kritikë ndaj tij, është hermetizimi që ai po i bën Partisë Demokratike dhe kërcënimi që nuk ka ndërmend të lëshojë zyrën pavarësisht ccdo vendimi gjykate, duke kërcënuar hapur togat e zeza që të mos guxojnë të japin drejtësi, ndryshe nga ajo që ai mendon se është e drejtë.
Discussion about this post