Presidenti Ilir Meta ndodhet në Stamboll ku mori sot pjesë në një konferencë ekonomike. Edhe pse nuk pritej Meta ka bërë më dije se pas pak do të dalë në një komunikim të jashtëzakonshëm për media shqiptare. Nuk janë dhënë më shumë detaje se për çfarë do të flasë, por duke pasur parasysh situatën aktuale në vend dhe rrjeti që po zien për zgjedhjen e presidentit të ri, pritet që Meta të diskutojë mbi këtë çështje.
Sakaq, kujtojmë se Meta ka një rol të rëndësishëm në vazhdimin e procedurave për votimin si president të Bajram Begajt, pasi më parë presidenti aktual duhet t’i pranojë atij dorëheqjen nga gradat ushtarake. Në këtë kuadër pritet që Meta ta jap nga Stambolli lajmin nëse do të pranojë kërkesën e Begajt, apo do të krijojë një ngërç në proces sikur është folur deri më tani.
Discussion about this post