Kryetarja e LSI-së, Monika Kryemadhi denoncoi sot paradite një tjetër skandal nga inceneratori i Tiranës. Kryemadhi nxorri të tjera dokumente shkeljeje ndërsa paralajmëroi një tjetër padi në Prokurorinë e Posaçme. Kryetarja e LSI-tha se me këtë aferë qeveria e kryeministrit Rama është kapur mat. Kryemadhi zbuloi disa fatura fiktive ushqimesh, me shifra marramendëse deri në 8 milionë dollarë për ujë të pijshëm dhe frutash ekzotike.
“Sot jam këtu për të ndihmuar SPAK, kam bërë gati shtesë padie për të informuar me dokumente të reja autentike e të faktuara që ndihmojnë SPAK për inceneratorin e Tiranës, llokma më e madhe e kësaj afere korruptive që nuk është e vetmja, por është rasti më flagrant kur qeveria e Kryeministri janë kapur me presh në dorë.
Pjesa më e madhe e këtyre kompanive, për arsye se me këto kompani unë do tregohem pak diskrete sepse do çohen në SPAK. Kompanitë fiktive shkëmbejnë fatura me njëra-tjetrën. Kompanitë e verdha inceneratori, ato jeshile kompanitë që kanë fituar punë publike. Në këto kompani funksionojnë blerjet fiktive tek ushqimet, uji i pijshëm, mund të jenë 8 milionë dollarë ujë i pijshëm, 6-7 milionë dollarë fruta ekzotike. Janë fatura nën 3 milionë lekë që lëvizja të mos bëhet nëpërmjet llogarive bankare”, tha Kryemadhi.
Discussion about this post