Ish-kryetarja e LSI-së, Monika Kryemadhi ka komentuar rikthimin e ish-presidentit Ilir Meta në partinë opozitare “Partia e Lirisë”. Ajo e ka cilësuar Metën si politikanin më të përgjegjshëm që kurrë nuk bën lëvizje të gabuara.
Kryemadhi zbuloi se si kryetare e LSI-së, ndihej në kafaz dhe se pengu i saj më i madh është fakti që nuk e dëgjoi Metën për djegien e mandateve.
“Siç ka emrin, ndihemi të lirë, sot shqiptarëve iu mungon liria, liria e votës, e të shprehurit, liria e qytetarëve për tu informuar, për të pasur demokraci. Mendoj se data e sotme është shumë e rëndësishme. Unë e kam thënë gjithmonë që përveçse është shtetari më i mirë që ka Shqipëria, por edhe një nga politikanët më të përgjegjshëm, që nuk bën asnjëherë lëvizje të gabuara.
Sot nuk është rikthyer bashkëshorti i Monika Kryemadhit, rikthimi i Ilir Metës është një shans për opozitarizmin, për të përfshirë dhe për ta hapur Partinë e Lirisë, fjala që kanë më shumë nevojë sot është liria, kërkojnë më shumë ajër për të qenë liri. Unë si Monikë ndihem jashtëzakonisht mirë, më rikthen për të punuar me të rinjtë.
Si kryetare isha në një kafaz, që ishte shumë i bukur nga jashtë, por i vështirë. Pengu im i vetëm ka qenë që nuk e dëgjova Ilir Metën për djegien e mandateve, ishte emocioni që unë doja të merrja vendim e vetme edhe si një grua. Mendoj se sot më shumë se kurrë shoqëria shqiptare është e etur për liri.”-tha Kryemadhi.
Discussion about this post