Paul Pogba është dëmtuar te Juventusi, por ka vendosur të mos operohet me shpresën që do të jetë me Francën në Botërorin “Katar 2022”.
Për situatën e tij ka folur trajneri i “Gjelave”, Didier Deschamps, i cili shprehet se mesfushori nuk rrezikon të mbetet jashtë Botërorit.
“Është e rëndësishme që Pogba dhe Kante të jenë në Botëror, por kurrë nuk mund të jesh i sigurt. Në këto kushte është e nevojshme të përgatitim lojtarët më të rinj.
Natyrisht unë jam në kontakt me Paul. Pjesëmarrja e tij në Botërorin e Katari, sot nuk është në diskutim”, është shprehur trajneri Deschamps për “Le Parisien”.
Discussion about this post