Drejtori i Policisë së Atikës Juglindore, Giorgos Kalliakmanis ka theksuar se mbytja e vajzës së mitur shqiptare në Greqi duhet të shqyrtohet dhe hetohet mirë.
Duke folur në emisionin “Apo tis Exi” për rastin e Amelisë dhe qëndrimin e babait të saj që nuk u zhyt për ta shpëtuar, Kalliakmanis u shpreh se “në këto raste personaliteti i personit të përfshirë dhe cila është shkalla është shumë e rëndësishme perceptimi.
“Nëse dikush sillet në mënyrë paradoksale dhe irracionale, duhet ta shikojmë. Dhe nëse nuk ke duar, e nxjerr fëmijën me dhëmbë. Por nëse personaliteti juaj është i tillë dhe ju keni një perceptim të veçantë për gjërat, ndoshta për ju është i justifikuar”, ka thënë ai.
Po ashtu ditën e sotme është zbardhur dhe dëshmia e peshkatarit i cili gjeti vajzën të zhytur nën ujë.
“Nuk mund ta di sa kohë mund të ketë qenë fëmija në ujë. Mund të ketë qenë për 20 minuta, ose deri një orë. Unë nuk mund ta them këtë vetë. Por kur e nxora fëmijën në sipërfaqe, fëmija ishte blu dhe padyshim i vdekur, gjë që më vonë u përcaktua edhe nga mjekët. Sa për mua, ajo që nuk mund t’i shpjegoj vetes është se si një baba e la fëmijën e tij në ujë, iku dhe shkoi të karikonte celularin për të telefonuar dhe për të kërkuar ndihmë. Pra ai nuk mund të zhytej në ujë dhe ta nxirrte fëmijën nga atje?”, tha peshkatari.
Për sa i përket rrobave që kishte veshur Amelia dhe babai i saj, peshkatari thotë se 6-vjeçarja ishte veshur me rroba dhe sandale, ndërsa thotë se jeleku shpëtues i kishte dalë, pasi nuk ishte vendosur mirë.
Ndërsa rrobat e babait kur u kthye nga shtëpia ishin të thata.“Si ka mundësi? Ai ka ndërruar rrobat e tij në shtëpi teksa e bija mbytej?”, është shprehur peshkatari.
Peshkatari ka folur gjithashtu për momentet tronditëse kur gjeti të vdekur vajzën 6-vjeçar“Ujërat ishin të turbullta për shkak të motit, kishte dallgë. Distanca që isha nën varkë ishte 1-2 metra. Po notoja poshtë dhe shikoja lart krahët dhe këmbët e vajzës. Jo, nuk mund të jetë e vërteta po mendoja, është imagjinata ime. Afrohem edhe me shumë dhe shoh vajzën e vogël. Menjëherë dola në sipërfaqe dhe thirra gruan time që ishte në bregdet, i thashë të telefononte policinë dhe rojet shpëtuese. E kapa prej krahësh vajzën dhe e nxora në bregdet. Kur e nxora në bregdet fëmija filloi të nxjerrë ujë dhe shkumë nga goja. Villte ushqim, dukej që kishte ngrenë më parë”, tha peshkatari.
Discussion about this post