Deputeti i PD-së, Dashnor Sulo nga foltorja e Kuvendit ka zbuluar se Prokuroria e Tiranës është gjendur nën presion për të tërhequr urdhër arrestin ndaj tri oligarkëve të ndërtimit.
Duke folur për aksionin e qeverisë për ndërtimet pa leje, Sula pa përmendur emrat u kërkoi autoriteve të mos arrestojnë qytetarët e thjeshtë.
Sipas deputetit urdhrat e arrestit ishin për biznesmenët që bëjnë ndërtime pa leje në kryeqytet, por që nuk është lejuar prekja e tyre.
“Mos fusni fshatarët në burg. Por ju them edhe lajmin e fundit, mbrëmë kanë dalë tre urdhra-arresti për tre oligarkë dhe janë tërhequr të tre. Nuk po i them emrat. I është bërë presion prokurorisë dhe nuk janë arrestuar”, tha ai.
Discussion about this post