Berisha kujton kohën si kryeministër: Nuk kam firmosur për kulla, vetëm për rrugë

Kryetari i Partisë Demokratike, Sali Berisha deklaroi se në kohën kur ai ka qeverisur vendin nuk ka firmosur për ndërtimin e asnjë kulle.

Teksa u pyet nga gazetarët për faktin se pse nuk denoncon oligarkët për ndërtime pa leje, duke iu zbulua emrin, Berisha tha se deri në 2013-ën ‘ka pasur term ‘oligark’.

“Nëse rikthehesh tek periudha para 2013-ës, konstaton se termi oligark nuk them se nuk ekzistonte, por pothuajse nuk ekzistonte. Mund t’i jap fakte ku buxheti i shtetit dhe kreditë në tërësi janë ekzekutuar nga kompani të mëdha europiane dhe botërore. Mund të t’i numëroj me radhë. Investimin kryesor e kemi pasur në rrugë. Nuk është ndërtuar asnjë kullë. Nuk është firmosur nga Berisha asnjë kullë. Ju jap ca shembuj. S’më gjen një rast të vetëm që të kemi dhënë një koncesion pa garë. E kam dëgjuar shpesh të flitet pa përgjegjësi. Edhe skaneri është me garë ndërkombëtare. Rruga e Kombit është me garë ndërkombëtare dhe juri ndërkombëtare. Do hetojmë ato që janë në shkelje të standardeve. Ky është qëndrimi im.”, tha ai.