Agim Gjata 49- vjeç është arrestuar sot nga forcat speciale RENEA, në banesën e tij në fshatin Barbullush në Shkodër. Gjata rezulton një person me rrezikshmëri të lartë shoqërore, ndërsa ka qenë i dënuar edhe më parë për vrasjen e Ndoc Çelikut, ngjarje e ndodhur në 2011-tën.
Ngjarja ndodhi për motive banale, pas një zënke me Çelikun me të cilin ishin dhe fqinj. Gjata ka marrë armën dhe e ka ekzekutuar. Në atë kohë forcat speciale rrethuan banesën e tij në Barbullush të Shkodrës dhe pas shumë orë negociatash bënë të munduar arrestimin e tij.
Shërbimet e Forcës Speciale RENEA i kanë sekuestruar në cilësinë e provës materiale armën e zjarrit kallashnikov dhe gjatë kontrollit, i kanë gjetur dhe i kanë sekuestruar 49-vjeçarit edhe një armë zjarri tjetër pistoletë dhe një palë dylbi.
Materialet procedurale i kaluan Prokurorisë pranë Gjykatës së Rrethit Gjyqësor Shkodër, për veprime të mëtejshme.
Discussion about this post