Hetimet për zhdukjen e këngëtarit Renato Hamza janë hapur sërish. Ndërkohë nëna e tij, Silvana ka deklaruar për mediat se djalin e kanë vrarë padrejtësisht. Ajo kërkoi gjithashtu shpjegime nga Policia dhe shefi i krimeve që pse nuk kanë arritur dot të zbardhin deri tani të vërtetën e ekzekutimit të djalit.
“Pashë mediat që është zhvarrosur një kufomë. Kam 9 vite që e kërkoj djalin. Kam kërkuar me ngulm që të bëhej ADN-ja, shkoja në polici, më bënin presion dhe thoshin se nuk është trupi i djalit tuaj. Kam nëntë vjet që për atë kufomë qaj. Mirë që ma vranë, por nuk ma sollën as trupin. Nuk më dhanë asnjë shenjë.Unë dua nga shteti se kush ka dhënë urdhër për pezullimin e kërkimeve të djalit tim. Këtu është korrupsion i madh, mirë që ta vrasin, por sta sjellin as trupi. Unë skam lekë, skam pushtet…Po sikur të kishte qenë fëmija i ndonjë prokuroria a i dikujt tjetër, çfarë do të bënin? Është djalë nënë mor, është djalë nënë…Djalin tim e vranë padrejtësisht, djali im punonte për bukën e gojës”, tha ajo.
Discussion about this post