Kryeministri Edi Rama nga foltorja e Kuvendit u është përgjigjur akuzave të opozitës, duke u ndalur edhe tek situata e përmbytjeve. Rama tha se gjendja e emergjencës nuk ka asnjë lidhje me situatën aktuale, ndonëse moti i keq në Shkodër i mori jetën dy personave, babë e bir.
Lexo edhe: Berisha, akuza të forta Ballës: Porosite vrasjen e Ravik Gurrës
Rama u shpreh se përmbytjet janë shumë më pak se vitin e përmbytjeve të mëdha në Shkodër, teksa theksoi se situata sot nuk ka asnjë lidhje me menaxhimin e Kaskadave.
“Janë faktet që flasin shumë qartë. Kur unë flisja, për Shkodrën, ka qenë një situatë katastrofike, për shkak të menaxhimi skandaloz të kaskadës. Flasin shifra e Bashkisë së Shkodrës, që nuk influencohet nga qeveria jonë. Janë përmbytur 25 mijë hektar vetëm në Shkodër. 14 mijë ishin edhe në qytetin e Shkodrës. Ndërsa këtë herë ka qenë 1400 hektar. Nuk ka asnjë lidhje me kaskadën. 4 mijë hektar është edhe për Lezhën. Për Durrësit kemi pasqyrën e punës këmbëngulëse të bashkisë së Durrësit. Nuk janë më pika kritike,” tha Rama.
Discussion about this post