Në aksident tragjik ka ndodhur në Perugia të Italisë. Mësohet se për pasojë kanë humbur jetën 4 të rinj, dy djem dhe dy vajza. Kjo pasi makina e tyre Fiat Punto me të cilën po udhëtonin në provincën San Giustino Umbro, ka dalë nga rruga.
Të rinjtë kishin marrë pjesë në një festë ditëlindjeje dhe më pas ishin nisur me makinë për të shkuar në disko në San Sepolcro. Viktimat janë dy vajza, 17 dhe 22 vjeç dhe dy djem, 20 dhe 21 vjeç. Të gjitha me origjinë nga Santa Maria Tiberina dhe Città di Castello. Në vendngjarje kanë ndërhyrë karabinierët e kompanisë Tifernate, zjarrfikësit dhe personeli i 118. 4 të rinjtë mësohet se kishin humbur jetën në vend.
Ndër shkaqet e mundshme të daljes së makinës nga rruga është ajo e lagështisë së rrugës. Megjithatë hetimet vijojnë.
Discussion about this post