Policia ka arrestuar një tjetër person të dyshuar për vrasjen në një lokal në Prizren më 3 janar. Një 31-vjeçar mbeti i vrarë dhe një tjetër ishte plagosur pas një konflikti në një lokal nate. I dyshuari kryesor për vrasjen është pronari i lokalit, Dibran Hoxha, që njihet me nofkën “Kobra”.
“Lidhur me rastin, është arrestuar edhe një i dyshuar mashkull kosovar. Me vendim të prokurorit i dyshuari është dërguar në mbajtje”, ka njoftuar policia lidhur me arrestimin.
Në dosje shkruhet se e gjithë ngjarja ka nisur brenda lokalit ku Visar Cengu kishte shkuar të argëtohej me miqtë e tij pas festave të fundvitit. Por, në momentin që të rinjve u ka shkuar fatura 400 euro, ata s’kanë pranuar ta paguajnë dhe janë përleshur në stafin.
Më pas janë nisur drejt parkingut, kanë hipur në makinë dhe kanë tentuar të largohen, por Dibran Hoxhaj, i njohur si “Kobra” bashkë me një grup djemsh u kanë dalë përpara. Ai ishte bashkë me të rinjtë e identifikuar si: Kujtim Gashi, Jesmir Badali, Burim Mazreku, Enver Amrullahi (vëllai i Hoxhajt) dhe Arben Vezaj.
Hoxhaj qëlloi në drejtim të mjetit ku ndodheshin tre të rinjtë nga Kukësi, por ata nuk ndaluan. Cengu e miqtë e tij u nisën drejt spitalit të Kukësit, por 31-vjeçari ndërroi jetë rrugës.
Pas ngjarjes, “Kobra City” u rrethua nga forca të shumta policie, kurse Hoxhaj nxitoi të fshinte kamerat e sigurisë. Ai ka hedhur edhe armën e përdorur dhe në këtë mënyrë, grupi hetimor nuk ka në dorë prova. Gjithsesi, mbi “Kobran” rëndon vepra penale “vrasje e rëndë”. Ndërsa të ndaluarit e tjerë për “pjesëmarrje në rrahje”.
Discussion about this post