Aksident në Burrel-Klos, 6 të plagosur

Një aksident i rëndë ka ndodhur këtë mëngjes në aksin Burrel-Klos.

Mësohet se si pasojë 6 persona janë plagosur. Dy nga të plagosurit janë në gjendje kritike për jetën.

Aksidenti ka ndodhur pranë vendit të quajtur “Shkëmbi i kuq”. Të plagosurit mësohet se janë anëtarë të së njëjtës familje.

Njoftimi i policisë:

Mat/informacion paraprak

Në aksin rrugor Burrel-Klos, shtetasi D.T., duke drejtuar automjetin tip “Benz”, është përplasur me mjetin tip “Peugeot” me drejtues shtetasin L.K. dhe si pasojë janë lënduar lehtë drejtuesit e mjeteve dhe katër pasagjer, të cilët po marrin ndihmë mjekësore në spital, aktualisht ndodhen jashtë rrezikut për jetën.

Grupi hetimor po kryen hetimet në vendngjarje.