Aktori i famshëm, Zac Efron rrëmbeu këtë të diel çmimin e tij të parë Emmy në 2021 “Daytime Emmy Awards”.
Kjo arritje e tij ishte falë “Down to Earth With Zac Efron”. Pasi u shpall fitues Zac më anë të një postimi në Twitter u shpreh i emocionuar dhe i lumtur, ndërkohë që shprehu mirënjohjen për gjithë bashkëpunëtorët.
Kujtojmë se aktori u bë kryefjala e mediave pas një videoje që shokoi gjithë botën. Aktori shfaqej më i fryrë në fytyrë se zakonisht dhe kështu lindën dyshimet se ai mund të ketë bërë ndërhyrje në fytyrë. Mollëzat e aktorit dukeshin më të dala, buzët të fryra dhe nofulla ndryshe. Në lidhje me këtë ndryshim të tij ka pasur reagime të shumta. Miku më i mirë i Efron, Kyle Sandilands ka shuar debatin duke thënë se nuk ka asnjë mundësi që ylli i “Baywatch” të ketë bërë ndërhyrje fshehurazi.
“Unë do ta dija nëse do të kishte bërë ndonjë operacion plastik”, tha ai gjatë një interviste.
Ndërkohë sa i përket ndryshimeve në fytyrë të Zac, një mjek i kirurgjisë plastike, Anthony Youn ka shpjeguar se çfarë ka ndodhur me fytyrën e aktorit. Mjeku ka xhiruar një video dhe ka treguar se çfarë mendon ai se mund të ketë ndodhur me aktorin e famshëm.
