Me një minutë heshtje ka nisur finalja e Superkupës së Gjermanisë mes Borusia Dortmund dhe Bayern Munich në nderim të legjendës futbollit Gerd Muller që u nda nga jeta pak ditë më parë.
Të dy finalistët hodhën në fushë elementët e tyre më të mirë, ku Dortmund vuri në krye të sulmit Haaland, Moukoko dhe Reus. Ndërsa nga ana tjetër Bayern në krye vuri Lewandowskin e avancuar me Coman, Muller dhe Gnabry që i ruanin krahët.
Pjesa e parë kulmoi në minutën e 35, ku Moukoko, i lënë jashtë vëmendjes së mbrojtjes bavareze do të merrte kontrollin e topit për ta dërguar në rrjetën e Neuer, por anësori sinjalizon për pozicion jashtë loje duke i hequr mundësinë a avantazhit Dortmundit.
Në minutën e 42’, Gnabri i dhuron një assist Lewandowskit, që duke e administruar në mënyrë fantastike e finalizon në portën e Dortmundit, dhe kalon në avantazh bavarezët, për ta mbyllur në këtë mënyrë pjesën e parë me shifrat 1-0.
Pjesa e dytë ka nisur sërisht vrullshëm për bavarezët ku kanë treguar epersinë sërisht që në minutën e 49’ me një gol fantastik të Myler, Topi dërgohet në kembët e Lewandowskit, i lënë dukshëm i pambuluar nga mbrojtja e Dortmundit, i cili thjesht devijon për tja dhënë Myler, që nuk e shpërdoron, duke i dërguar shifrat në 2-0
Menjëherë do të kundërpërgjigjej Reus, ku falë asistit të Belligham do të ngushtonte rezultatin në 2-1 me golin e shënuar në minutën e 64’ në favor të Dortmundit.
Gardiani Kobel ka topin në dorë, duke e hedhur në këmbët e Sule, i cili në tentative për të nisur aksionin, neglizhon dhe ja dhuron topin kundërshtarit Lewandowski, që I gjendur vetëm për vetëm me gardianin e Dortmund, sërisht shënon, duke e çuar në tre shifrat e avantazhit bavarez.
Me rezultatin final 3-1, Superkupa e Gjermanisë është trofeu i parë për këtë sezon për Bayern Munich, që e starton në mënyrën më të mire të mundshme.
