Zyrtani i lartë taleban, Waheedullah Hashimi ka konfirmuar se me ardhjen e tyre në pushtet, në Afganistan nuk do të ketë demokraci. Hashimi ka thënë për Reuters se vendi do të qeveriset nga këshilli taleban në pushtet.
“Ne nuk do të diskutojmë se çfarë lloj sistemi politik duhet të aplikojmë në Afganistan, sepse është e qartë. Është ligji i Sheriatit dhe kaq”, ka theksuar ai.
Hashimi më tej ka theksuar se talebanët po planifikojnë të krijojnë një forcë të re kombëtare, ku përfshihen anëtarët e saj dhe ushtarë të qeverisë të gatshëm për t’u bashkuar.
“Shumica e tyre janë trajnuar në Turqi, Gjermani dhe Angli. Kështu që ne do të flasim me ta për t’u kthyer në pozicionet e tyre. Sigurisht që do të kemi disa ndryshime, disa reforma në ushtri, por prapë ne kemi nevojë për to dhe do t’i thërrasim që të na bashkohen”, shtoi ai.
