Ndër shekuj, njerëz të shumtë kanë vizituar qytetin Fez të Marokut për të ditur më shumë rreth librave të ruajtur në bibliotekën antike Al-Qarawiyyin, por gjithashtu edhe universitetin ngjitur me bibliotekën, që poashtu është më i vjetri në botë. Universiteti me të njëjtin emër si biblioteka, sipas Rekordeve Guiness, është hapur rreth vitit 859 pas Krishtit.

Si fillim u hap një bibliotekë, më pas një xhami e më vonë edhe universiteti, dhe të gjitha këto nën kujdesin e Fatima al- Fihri, e bija e një tregtari shumë te pasur tunizian. Pas vdekjes së të atit, Fatima vendosi ta përdorte gjithë pasurinë e trashëguar në dispozicion të arsimit dhe kulturës.

Në këtë mënyrë, Fatima njihet si themeluesja e bibliotekës dhe universitetit më të vjetër në botë. Nuk dihet shumë rreth saj, dita e lindjes apo e vdekjes, por historianë të shumtë tregojnë se ajo njihet edhe jashtë kufinjve të Marokut, për ndihmat dhe bamirësitë e shumta kundrejt djemve dhe vajzave për ti arsimuar.