Zjarri ka rrezikuar të djeg disa banesa në fshatin Dushk në Lushnje pasditen e sotme. Shkak ka qenë mullari i barit i djegur nga pakujdesia, i cili ka rrezikuar banesat aty pranë. Menjëherë është bërë shkëputja e energjisë elektrike dhe janë njoftuar zjarrfikësit.
Me mbërritjen e tyre është bërë izolimi i zjarrit ne kohë rekord, duke shmangur përhapjen e tij drejt banesave. Kjo lagje e mbipopulluar me familje fermerë ka shumë rezerva bari të thatë për dimërimin e bagëtive.
Vendosja e ushqimit te bagëtive pranë banesave përbën vazhdimisht rrezik, teksa nië muaj më parë, një tjetër zjarr në Savër dogji ushqimin e bagëtive si dhe katër krerë lopë dhe pjesërisht banesa.
