Menjëherë pas shpërthimit në Kabul ku humbën jetën të paktën 13 persona dhe shumë të tjerë kanë mbetur të plagosur, Presidenti i SHBA, Joe Biden ka mbledhur ekipin e sigurisë kombëtare. Po ashtu edhe kryeministri britanik, Boris Johnson do të mbajë një takim urgjent mbi situatën në aeroportin e Kabulit të enjten pasdite.
Presidenti francez Emmanuel Macron thotë se situata është “përkeqësuar thellësisht”. Ai bëri thirrje për kujdes para se situata të bëhet e pakontrollueshme dhe shtoi se situata rreth aeroportit mbetet shumë e rrezikshme. Ndërsa Kancelarja gjermane Angela Merkel ka anuluar një udhëtim të planifikuar në Izrael për 28-30 gusht për shkak të situatës në Afganistan.
