Një aksion i ndërmarrë nga forcat policore mëngjesin e sotëm në Tiranë, kanë cuar në pranga plot 11 persona të cilët akuzohen për vepra të rënda penale. Policia me një njoftim për shtyp bën me dije se fillimisht është arrestimi në flagrancë i T. D., 37 vjeç, banues në Durrës, pasi në rrugën “George Bush”, gjatë kontrollit të mjetit të tij, kanë konstatuar 6 të huaj(emigrantë të paligjshëm), të cilët kundrejt pagesës, do ti transportonte drejt kufirit me Kosovën, me destinacion vendet e Bashkimit Europian.
Po ashtu në pranga ka rënë edhe E. P., 27 vjeç, pasi gjatë kontrollit në kaskën mbrojtëse të motomjetit që drejtonte, iu gjet dhe iu sekuestrua një sasi me lëndë narkotike kokainë.
Prangave të policisë nuk i ka shpëtuar as E. V., 43 vjeç, i shpallur në kërkim për veprën penale “Plagosje e rëndë me dashje” pasi me datë 27.08.2021, për motive të dobëta, ka goditur me sende të forta A. M.
Ndër të tjera në njoftim policia thekson se është arrestuar në flagrancë E. Z., 31 vjeç, sepse më datë 31.08.2021, në rrugën “Vëllezërit Manastirliu”, ka ushtruar dhunë fizike e psikologjike ndaj hallës së tij.
Po nga uniformat blu ënë pranga ka rënë edhe L. M., 37 vjeç, pasi ka përndjekur dhe ka ushtruar dhunë fizike dhe psikologjike ndaj ish-bashkëshortes së tij.
Sakaq edhe S. T., 37 vjeç është vënë në pranga mëngjesin e sotëm, pasi ka qenë i dënuar më parë për veprën penale “Dhuna në familje” dhe në banesë, sistematikisht ka ushtruar dhunë fizike dhe ka kanosur bashkëshorten e tij.
Në përfundim të aksionit në pranga ka rënë edhe A. M., 44 vjeç( i kapur nga sherbimet e Komisariatit Nr. 3) pasi Gjykata e Shkallës së Parë Tiranë, e ka dënuar me 2 muaj burg, për veprën penale “Drejtim i automjeteve në mënyrë të pa rregullt”.
Po nga specialistët e Qarkullimit Rrugor u bë arrestimi në flagrancë të:
M. M., 20 vjeç, M. T., 32 vjeç, E. Sh., 29 vjeç dhe O. K., 25 vjeç, pasi u kapën duke drejtuar mjetet përkatëse në gjendje të dehur.
Më datë 31.08.2021, në spital, ka ndërruar jetë një shtetas ende i paidentifikuar, (endacak), rreth moshës 55 vjeç, i gjetur nga punonjësit e stafit mjeksor, në rrugën “Endri Keko”. Gjatë kqyrjes paraprake nuk janë konstatuar shenja dhune. Punohet për sqarimin e rrethanave të ngjarjes.
