Një incident ka ndodhur gjatë fushatës elektorale pasi Kryeministri kanadez, Justin Trudeau është goditur me zhavorr nga protestuesit.
Fushata e tij u prish nga demonstratat kundër vaksinës COVID-19 dhe kufizimeve të tjera si pasojë e pandemisë. Pak më shumë se një javë më parë, kryeministri u detyrua të anulonte një tubim elektoral pasi një turmë protestuesish të zemëruar i zunë “pritë”.
Ai po kthehej në autobusin e tij pasi vizitoi një fabrikë birre, kur u godit me disa gurë të vegjël, por fatmirësisht nuk pësoi lëndime.
Planet e Trudeau për vaksinimin me detyrim janë bërë një çështje kryesore përpara zgjedhjeve të 20 shtatorit që do të mbahen në vend.
