Një 25 vjeçar ka rënë në prangat e policisë së Shkodrës pasi një natë më parë ka përplasur me automjet një 74 vjeçar.
Policia bën me dije se në pranga ka rënë konkretisht i riu me iniciale K.P. 25 vjeç, i cili rreth orës 21:00 të mbrëmjes së djeshme në sheshin “Demokracia”, duke drejtuar mjetin ka aksidentuar të moshuarin me iniciale S.D., 74 vjeç, i cili po udhëtonte me biçikletë.
Ndër të tjera mësohet se i lënduari po merr ndihmën mjekësore në spital.
Theksojmë se së fundmi numri i aksidenteve rrugore është rritur e për pasojë edhe numri i viktimave, ndërsa shoferët “e pabindur” vazhdojnë të enden të lirë duke kryer manovra të rrezikshme për jetën e këmbësorëve.
