Ndonëse presidenti i Barcelonës, Laporta ka deklaruar se në janar gjendja financiare e klubit katalanas do të normalizohet, shifrat tregojnë të kundërtën.
Ndryshe nga koha kur te ‘Blaugrana’ ishte Messi, biletat nuk ishin kurrë të mjaftueshme, tashmë ‘Camp Nou’ nuk po mbushet më plot.
Në ndeshjen kundër Getafe, nga 20.000 vende të disponueshme për La Liga-n, u shitën vetëm 19.136 bileta. Ndërsa të premten Barcelona nxori në shitje 40 mijë bileta për tifozët për ndeshjen e Champions League kundër Bayern Munich, po shihet një interesim i pakët i katalanasve.
Nuk ka ndodhur më parë që për një ndeshje të Barcelonës në Champions të ngelin rreth 10 mijë bileta të pa shitura, pasi deri më tani janë blerë vetëm 31.213.
Duket se largimi i yllit argjentinas nga Barcelona ka prishur raportet dhe klimën e marrëdhënieve të tyre me tifozët katalanas./Gijotina.com
