Një konferencë donatorësh e organizuar nga OKB-ja për Afganistanin zhvillohet sot, më pak se një muaj pasi talebanët morën pushtetin në vend, duke u përballur me një krizë humanitare në rritje.
Afganët do të kenë nevojë për rreth 606 milionë dollarë deri në dhjetor, për të shmangur një krize humanitare, sipas llogaritjeve të OKB-së.
Ndërsa shumë vende janë të gatshme të ofrojnë ndihmë, shumë të tjera janë të shqetësuara se si do të shpenzohen paratë, pasi talebanët tani kanë kontrollin e vendit dhe thonë se donacionet duhet të shoqërohen me kushte.
Sekretari i përgjithshëm i OKB-së, Antonio Guterres pritet të jetë gjithashtu i pranishëm në Gjenevë, ndërsa të tjerët ka të ngjarë të bashkohen në internet. Ndërsa rreth 40 ministra pritet të marrin pjesë në konferencë.
Trupat ndërkombëtare u tërhoqën nga Afganistani pas 20 vitesh dhe pothuajse të gjithë u larguan pasi talebanët morën pushtetin. Shërbimet themelore në Afganistan tani janë në prag të kolapsit, sipas agjencive të OKB-së, të cilat thonë se ndihma humanitare do të përfshijë shërbimet mjekësore, furnizimin me ujë dhe objektet sanitare.
