Pas Lezhës policia ka zbarkuar në qytetin e Beratit, në aksion për parandalimin e veprimtarive kriminale. Uniformat blu bëjnë me dije se mëngjesin e sotëm është arrestuar një 26- vjeçar për posedim dhe shpërndarje heroine dhe një tjetër person është vënë në hetim për “Moskallëzim krimi”.
Policia jep detaje se i riu me iniciale E. Ç., banues në Berat, u kap në flagrancë nga policia e Beratit pas kontrollit fizik të tij dhe të banesës ku jetonte, në të cilën u gjetën doza heroine dhe peshore elektronike.
Ndërsa 29- vjeçari i identifikuar me iniciale A.I., dyshohet të ketë kryer veprën penale të moskallëzimit të krimit.
Pritet që të arrestuarit në fjalë të përballen me akuzën për këto vepra penale. / A.L gijotina.com /
