Partia Demokratike ka akuzuar qeverinë se ka vendosur një model ekonomik dhe korruptiv në vend, çka i ka zhytur shqiptarët në varfëri.
Deputetja e PD Grida Duma ka publikuar një video me deklaratat e zv.kryeministrit Arben Ahmetaj, kryeministrit Rama dhe prononcimet e qytetarëve për çmimin e bukës, teksa tha se maxhoranca nuk e di si ndihet shumica dërrmuese e shqiptarëve.
“Jetojnë të rrethuar në luksin që kanë ndërtuar në kurriz të shqiptarëve, prandaj nuk skuqen kur nuk mbajnë premtimet, as nuk turpërohen kur thonë se çmimet janë të përballueshme.
Nga qëndrimet e tyre kuptohet që janë një pakicë, sepse nuk dinë si ndihet shumica dërrmuese e shqiptarëve, e cila jeton në varfëri për shkak të dështimit të modelit të tyre ekonomik klientelist dhe korruptiv. Dëgjojeni zërin e tyre”, shkruan Duma.
Rikujtojmë, se prej më shumë se një jave çmimi i bukës, por jo cvetëm është rritur, ç’ka ka sjellë irritimin e qytetarëve.
