Drejtori i Sanatoriumit në Tiranë, Perlat Kapisyzi ka dhënë dorëheqjen nga posti, dhe në vend të tij është emëruar mjekja Silvana Bala.
Nuk dihen ende arsyet e dorëheqjes së Kapisyzit, ndërsa kujtojmë se “Shefqet Ndroqi”, shërbeu si spital i trajtimit të pacientëve me koronavirus për më shumë se një vit.
Aktualisht situata me Covid-19 në vendin tonë është drejt përkeqësimit, ku vetëm ditën e djeshme u regjistruan 13 viktima, numri më i lartë ky që nga fundi i muajit Prill. Ndërkohë një ulje e lehtë është shënuar tek infektimet e reja, ku gjatë 24 orëve kanë rezultuar pozitivë, 295 qytetarë.
