Ylli i Arsenal, Granit Xhaka pritet të qëndrojë për një kohë të gjatë jashtë fushave për shkak të dëmtimit në gju.
Mesfushori i ‘Topçinjve’ u pengua drejt fundi i ndeshjes me Tottenham të dielën, të cilën e fituan me rezultatin 3-1. Ai u rrëzua pasi u përplas aksidentalisht nga ylli e ‘Spurs’, Lucas Moura në minutat e fundit. Kapiteni i Zvicrës u pa nga mjekët dhe nga fiziologët e klubit ditën e djeshme.
Në foton e publikuar në ‘Instagram’ nga gruaja e tij Leonita, Xhaka shfaqej me mbajtëse në këmbë, teksa pranë i qëndronte vajza e tyre.
Nuk dihet se sa kohë 29-vjeçari do të jetë jashtë fushave, por dyshohet të jetë për rreth gjashtë deri në tetë javë.
Trajneri i Arsenalit, Mikel Arteta kishte frikë nga më e keqja për ish-asin e Baselit në fundjavë. Ai tha pas ndeshjes së Tottenham: “Fatkeqësisht ai u dëmtua dhe unë jam shumë i shqetësuar. Nuk duket shumë pozitive për momentin.”
Xhaka bëri një rikthim të mirë në aksion kundër Tottenham pas një pezullimi prej tre ndeshjeve për shkak të infektimit me Covid-19. Ai ishte i pandalshëm në mesfushë teksa ‘The Gunners’ arritën një fitore të madhe përballë ‘Spurs’
Megjithatë duket se shqiptari do të duhet të qëndrojë jashtë edhe për një kohë të gjatë, gjë e cila do ta penalizonte./K.T/Gijotina.com
