Watford bëhet klubi i katërt anglez i cili zgjedh në krye të pankinës italianin Claudio Ranieri. Pas eksperiencës tek Roma, e së fundmi tek Sampdoria, tashmë 69-vjeçari do të drejtojë Watfordin. Drejtuesit e klubit anglez, vendosën të shkarkojnë nga pankina Xisco Munoz, pas performancës jo të mirë të teknikut spanjoll. Ranieri ka firmosur një kontratë dy vjeçare me Watford, ku është pritur nga drejtuesit e lartë të klubit.
Claudio Ranieri mbahet mend si trajneri që fitoi Premier League me Leicester Cityn në sezonin 2015-2016. Prej asaj periudhe, ka provuar të drejtojë klube në Francë e Itali, por pa mundur të ketë të njëjtin shkëlqim.
