Ndarja nga jeta e komentatorit të njohur shqiptar Kosta Grillo nga Covid-19 në moshën 59-vjeçare i ka prekur të gjithë.
Rrënqethëse kanë qenë fjalët e motrës së tij, Ana Grillo për këtë ngjarje të dhimbshme. Në një postim të gjatë në rrjetet sociale ajo ka treguar vuajtjet që kanë kaluar në 55 ditët e pritjes me shpresë për t’u shëruar në spitale.
“Mami të mori me vete se të kishte pikë të dobët Kosta. Nuk e kisha menduar kurrë se do të ndaheshim kaq shpejt. Shikoja ëndrra me sy hapur se si do t’i ngrysnim ditët e netët bashkë në të ardhmen. Të kisha premtuar që do të iknim bashkë nga ky spital ku të solla me duart e mija me shpresë se do ia dilnim. 55 ditë përpjekje.”-ka shkruar e motra e Kosta Grillos.
Ajo ka rrënqethur duke thënë se edhe i vetmi person që i kishte mbetur në këtë jetë tashmë nuk është më.
“Lëviz o ma lutesha për natë. Eja të ndihmosh e të shërosh djalin. Ma more njeriun e vetëm që më kishte mbetur. Ma more vëllanë, më keni lënë vetëm!”-shkruan ajo.
Gazetari i njohur sportiv humbi jetën pas luftës së gjatë që prej muajit gusht me virusin vdekje prurës./K.T/Gijotina.com
