Ndeshja e BKFC 20 e zhvilluar në muajin gusht rezultoi tragjike për Justi Thornton. Ai u rrëzua në tokë pas 18 sekondash përballje me Dillon Cleckler.
Ai u godit keq nga Cleckler, duke përfunduar të nxirrej jashtë me barrierë dhe u dërgua menjëherë në spital, ndërsa së fundmi mësohet se ka humbur jetën nga dëmtimet e marra.
Teksa ka folur pas lajmit të vdekjes së Thornton, boksieri është shprehur se nuk mund ta priste një ngjarje të tillë.
“Si luftëtar asgjë nuk iu përgatit për lajmin që mora këtë mëngjes gjatë rrugës për në stërvitje. Disa prej jush mund të mos keni dëgjuar ende, por kundërshtari im i fundit Justin Thornton vdiq mbrëmë për shkak të pneumonisë. Nuk mund të mos ndihem absolutisht i shkatërruar për këtë, sepse e njoh Justin prej vitesh. Jo shumë njerëz e dinë këtë, por ne luftuam 8 vjet më parë dhe ai më tha menjëherë se donte ndeshjen. Unë e di se kur ai mori telefonatën për ta marrë më në fund atë rimeç në një skenë më të madhe, ai pa një mundësi të madhe dhe e shfrytëzoi atë. Justin është një luftëtar. Ishte në gjakun e tij të luftojë. Ai e donte atë. Ai luftoi këdo, në çdo kohë dhe kudo dhe kur nuk kisha kundërshtar, ai prapë hodhi mundësinë për të hyrë atje me mua përsëri”.- u shpreh ai.
Më tej boksieri shtoi se kushdo që futet në ring në vetvete e merr përsipër rrezikun se mund të mos dalë më gjallë që aty.
”Cilido burrë ose grua që futet në ring është gjë e veçantë, ata marrin një rrezik që 99% e botës nuk do ta merrte kurrë dhe nganjëherë as unë nuk e di pse e bëjmë. Por Justin ishte luftëtar gjatë tërë jetës dhe nuk meriton asgjë veç respektit. Lutjet dhe mendimet e mia janë me Justin Thornton dhe familjen e tij. U prehtë në paqe”, përfundon shkrimi i tij në rrjetin social Cleckler./K.T/Gijotina.com
