Bashkia e Vlorës ka nisur që të marrë masat për sigurinë e qytetarëve të saj, pasi të dhënat meterologjike tregojnë që jugu i Shqipërisë pritet të përfshihet nga një stuhi që vjen nga Italia.
Me anë të një njoftimi zyrtar, Bashkia e Vlorës ka kërkuar që qytetarët të shmangin lëvizjet e pa domosdoshme me makina. Ndërsa po ashtu ka kërkuar që qytetarët të tregojnë kujdes edhe me zgjedhjen e vendeve të parkimit, pasi mund të rrezikohen përmbytjen.
“Për shkak të shirave të dendur, duhet të keni kujdes edhe me vendin e parkimit të makinave dhe të jeni të vëmendshëm për vendet që rrezikojnë të përmbyten! Paralajmërimet e meteorologëve për shira të vazhdueshëm, na bëjnë të jemi të kujdesshëm”, thuhet në njoftim.
Bashkia ka bërë kërkesë njoftim pasi në ditë të tilla qyteti i Vlorës kthehet në një kaos nga trafiku i makinave.
