Gjermania ka nisur një cikël të ri fitues nën drejtimin e trajnerit Hansi Flik. Legjenda gjermane Oliver Birhof ka analizuar situatën tek pancerat dhe është shumë optimist se skuadra do të ecë gjatë.
“Situata është e qetë. Kjo, pasi vijmë nga tri fitore radhazi, tri pikët sjellin gjithmonë qetësi. Duam të ngjitemi sërish në majën e botës, por për ta bërë këtë duhet të vazhdojmë punën që kemi nisur. Suksesi i skuadrës ka sjellë edhe një valë pozitive te njerëzit, të cilët tani kanë një arsye më shumë për t’u gëzuar në jetën e tyre.
Kemi shumë pak kohë që kemi nisur një aventurë të re, edhe pse shumë prej lojtarëve kanë vite që luajnë këtu. Nuk duam të bëjmë asnjë pretim të nxituar, preferojmë t’i ngjitim shkallët një nga një dhe më pas të shohim se sa larg mund të ngjitemi. Objektivi është gjithmonë të përfaqësojmë futbollin gjerman në nivelet më të larta”, tha Birhof.
