Policia e Prizrenit ka arrestuar dy persona, të cilët u konfliktuan pasditen e së enjtes me njëri-tjetrin, në qendër të qytetit.
Bëhet fjalë për konfliktin, ku mbetën të lënduar disa persona, të cilët më pas morën mjekim në spital. Policia njofton se në vendin e ngjarjes, veç mjeteve të ftohta, u gjet dhe një gëzhojë. Pas hetimit, u konfirmua se ishte përdorur edhe pistoleta gjatë përplasjes mes tyre. Sipas zëdhënësit të policisë atje, janë arrestuar dy persona aktualisht si përgjegjës, por hetimet do të vijojnë ende për të zbardhur plotësisht ngjarjen.
Ende nuk dihen shkaqet e atij konflikti, por dyshohet se ka qenë një gjaknxehtësi e çastit, që çoi në përfshirjen e një grupi të rinjsh duke degjeneruar në përdorimin e armës.
