Skuadra e Arsenal është rikthyer tek fitorja në kampionatin anglez pas dy barazimeve radhazi. “Topçinjtë” mundën në shtëpi skuadrën e Aston Vilës me shifrat 3-1. Partey në minutën e 23 kaloi në avantazh të besuarit e trajnerit Mikel Arteta. Vendasit ushtruan dominimin e lojës teksa në të 45 minutë fituan një penallti që u ekzekutua nga sulmuesi Aubameyang.
Francezi gaboi por përfitoi më pas pasi topi mbeti në zonë dhe dërgoi kështu shifrat në 2-0. Starti i pjesës së dytë foli sërish për skuadrën e Arsenalit që shënoi edhe të tretin me Smith goditja e të cilit pësoi një devijim, mjaftueshëm për të përfunduar në rrjetë. Në fund miqtë shënuan golin e nderit me Ramsej. Pas 9 javësh kampionat, Arsenali renditet në vendin e 9 në kuotën e 14 pikëve.
