Eksperti i komunikimit në rrjetet sociale Blerim Gjeladini ka shpjeguar në emisionin “Opinion” një analizë të pëlqimeve në rrjetet sociale për Sali Berishën dhe Lulzim Bashën.
Mbështetur në analizën e 36 708 personave, të cilët janë filtruar më pas në 10 631 persona kualitativë sikurse i quajti, Gjeladini tha se nga 10 mijë përdorues të Facebook, 36.2% dhanë pëlqimet për zotin Basha dhe 63.7% për zotin Berisha.
“Basha rezulton 36.2% ndërsa Berisha 63.7% Berisha. Këta janë individë që kanë bërë reagime vetëm në PD. Nga matjet që kemi bërë kemi dhe të lëkundur. Si mbështetje gjinore, Berisha ka mbështetjen më të madhe nga femrat. Basha ka mbështetjen e madhe të moshës së madhe. 51 deri 60 vjeç e ka Basha. Të rinjtë i ka Sali Berisha. Berisha ka kryesisht beqarët, të rinjtë. Ndërsa Basha ka gratë, Korça dhe Gjirokatsra. Në Tiranë, 65 për Berishën, 35.93 për Bashën. Lezha 72, 27 Basha. Kukësi bën diferencën e madhe, 77.2%, përfshin dhe Tropojën. Edhe Dibra është e lartë. Mbështetjen më të ulët Berisha e ka në Gjirokastër, në Elbasan, në Vlorë, Korçë, e ka të ulët” – është shprehur Blerim Gjeladini.
Gjeladini gjithashtu tha se janë analizuar 502 mijë reagime tek këta dy kandidatë.
