Tirana siguroi një fitore shumë të rëndësishme në sfidën ndaj Partizanit në derbin e madh të kryeqytetit. Bardheblutë morën tre pikë falë golit të shënuar nga Vesel Limaj me penallti. Një triumf që ka gëzuar të gjithë familjen e ngjyrave bardheblu teksa pas ndeshjes futbollistët festuan edhe në dhomat e zhveshjes.
Ky triumf vjen në një moment fantastik për Tiranën që shkëputet me tre pikë në krye të klasifikimit nga dy ndjekësit më të afërt, Vllaznia dhe Kukësi. Skuadra e Tiranës luan ndeshjen e radhës ndaj shkodranëve në “Loro Boriçi”.
