Wanda Nara dhe Maxi Lopez më në fund kanë bërë paqe dhe kanë gjetur një zgjidhje për çështjet gjyqësore.
“TycSports” raporton se avokatja e Wanda Narës, Ana Rosenfeld ka treguar se modelja dhe ish-bashkëshorti i saj kanë gjetur gjuhën e përbashkët.
“Pavarësisht se kjo çështje është rreptësisht procedurale, sqaroj se zonja Wanda Nara dhe z. Maxi Lopez kanë vendosur t’i japin fund të gjitha kauzave ekzistuese mes tyre, deri më sot”.-u shpreh ajo.
Ata kanë nënshkruar kështu një marrëveshje duke mbyllur 40 çështje ligjore që kishin në Buenos Aries.
Maxi Lopez do të vazhdojë të paguajë detyrimin ligjor për tre fëmijët deri në moshën 21 vjeç, ndërsa borxhet e papaguara i kanë anashkaluar, si dhe ndanë edhe pronat që kanë në Argjentinë.
Ky vendim vjen pas skandalit të tradhtisë së Mauro Icardit, të cilin Wanda e fali pas disa ditësh qarkullimi lajmesh për ndarjen e tyre./K.T/Gijotina.com
