Të dielën nga ora 10:00 deri në 11:00 tregjet në Tiranë do mbyllin qepenat, në shenjë proteste kundër implementimit të sistemit të ri të fiskalizimit. Lajmi u bë i ditur nga kryetari i shoqatës së biznesit të vogël dhe mesëm, Bujar Muço. Kostoja e implementimit të sistemit të ri të fiskalizimit është e papërballueshme, ndaj biznesi i vogël kërkon prej qeverisë që ta anulojë projektin.
“Fikslaimi është me kosto shumë të lartë, është një sistem i ndërlikuar në teknikë për tu përdorur nga biznesi i vogël dhe i mesëm. 500 euro deri në 1500 euro për marrjen e sistemit. Teknologjia është e komplikuar” tha ai.
Ulja e qepenave do të jetë vetëm hapi i parë sikur lajmëroi kreu i shoqatës. Ndërsa bëjnë me dije se, Protesta do të jetë dhe kundër rritjes së çmimit të energjisë elektrike dhe karburanteve pasi rëndon gjendjen financiare të biznesit që është goditur nga pandemia e Covidit.
“Nëse nuk do të ketë reflektim, ne do ta përshkallëzojmë me bllokim rrugësh dhe me greva urie”, u shpreh Muço.
Sipas tij, bizneset e vogla jo që nuk kanë filluar të marrin veten pas pandemisë, pro janë zhytur më keq në borxhe dhe kredi, çka po i çojnë drejtë falimentimit.
