Tottenham ka shkarkuar trajnerin Nuno Espirito Santo pas vetëm katër muajsh në detyrë pas humbjes 3-0 të së shtunës në shtëpi nga Manchester United.
Spurs kanë humbur pesë nga shtatë ndeshjet e fundit të Premier League. Ata janë në vendin e tetë në tabelë dhe 10 pikë prapa liderit Chelsea.
“Unë e di se sa shumë donin Nuno dhe stafi i tij stërvitor të arrinin sukses dhe më vjen keq që na është dashur të marrim këtë vendim”,- tha drejtori menaxhues i futbollit Fabio Paratici raporton BBC Sport.
Portugezi, 47 vjeç, u emërua trajner i Spurs në qershor pas katër vitesh në Wolves.
“Nuno është një zotëri i vërtetë dhe do të jetë gjithmonë i mirëpritur këtu. Dëshirojmë ta falënderojmë atë dhe stafin e tij stërvitor dhe t’i urojmë mirë për të ardhmen“,-shtoi Paratici.
Spurs tha se një vendim se kush do të pasojë Nuno do të “ndiqet në kohën e duhur”./K.T/Gijotina.com
