Ylli i Chelseat, Antonio Rudiger pritet të qëndrojë në Londër. Futbollisti gjerman ishte një hap larg mbylljes së aventurës me Chelsean teksa Real Madrid kërkonte të përfitonte nga ndalesa e bisedimeve ndërmjet palëve. Megjithatë gjermani është drejt firmosjes se kontratës së re me Chelsean diçka që e ka pranuar vetë në një deklaratë për mediat kur u pyet për të ardhmen e tij.
“Jam shumë i lumtur tek Chelsea dhe besoj se kjo gjë shikohet çdo ditë . Mbi rinovimin duhet të diskutoj me drejtuesit dhe jam i sigurtë se do të arrijmë në një fund të lumtur” , theksoi Antonio Rudiger. Interesim për gjermanin pati shprehur edhe skuadra e Bajern Mynih por mesa duket ish-futbollisti i Romës do të qëndrojë në “Stamford Bridge”.
