Mbrojtja nga Covid-19 do të kryhet jo vetëm nga vaksinimi, por edhe nga pilulat.Rregullatori i barnave në Mbretërinë e Bashkua, ka miratuar përdorimin e pilulës molnupiravir, e cila do të merrët dy herë në ditë nga pacientët më të rriskuar.
I zhvilluar nga kompania amerikane Merck, molnupiravir është ilaçi i parë antiviral oral anti-Covid, i cili fillimisht u krijua për të trajtuar gripin e zakonshëm, por pas provave klinike u vërtetua se kjo pilulë zvogëlon rrezikun e vdekjes apo shtrimit në spital.
Sipas të dhënave të publikuara në një njoftim për shtyp, provat klinike në 775 pacientë në studim zbuluan se: 7.3% e atyre që morën molnupiravir u shtruan në spital në krahasim me 14.1% të pacientëve të cilët morën një placebo ose pilulë bedel.
Gjithashtu personat që morën pilulën nuk ishin të rrezikuar nga vdekja në krahasim me grupin e personave që morën placebo, ku një person humbi jetën. Rezultatet e provës sugjerojnë që molnupiravir duhet të merret menjëherë pas shfaqjes së simptomave për të pasur efekt.
Ekspertët thonë se nëse autorizohet gjerësisht, molnupiravir mund të ketë potencial të madh për të ndihmuar në luftimin e pandemisë: Pilulat janë më të lehta për t’u marrë, prodhuar dhe ruajtur, duke i bërë ato veçanërisht të dobishme në vendet me të ardhura të ulëta deri në mesatare me infrastrukturë më të dobët dhe furnizime të kufizuara vaksinash.
Discussion about this post