Pesë kamarierë në Prizren, janë lënë në e paraburgimit në kohëzgjatje prej tridhjetë ditë nga Gjykata Themelore e Prizrenit, pasi dyshohet se kanë kryer veprën penale “falsifikimi i parasë”.
Sipas gjykatës, i pandehuri B.B., gjatë muajit tetor deri në fillim të muajit nëntor të vitit 2021, në kohë të papërcaktuar në Prizren është vërtetuar se posedon para të falsifikuara me qëllim të vënies në qarkullim të tyre si të vërteta. Paratë e falsifikuara, rreth 1 mijë e 250 euro, i pandehuri ia ka dorëzuar shtetasit T.P, në formën e monedhave metalike nga 2 €, në mënyrë që ky i fundit t’i vë të njëjtat në qarkullim si të vërteta.
Të pandehurit e tjerë, T.P., V.Z., L.E., dhe A.P., gjatë periudhës së muajit Tetor deri në fillim të muajit Nëntor të vitit 2021, në intervale të ndryshme kohore, me dashje dhe në bashkëkryerje është vërtetuar se kanë vënë në qarkullim paratë e falsifikuara si të vërteta, në atë mënyrë që në cilësinë e punëtorëve si kamarierë në njërin prej lokaleve të gastronomisë në Prizren.
Të gjitha monedhat metalike nga 2 € janë vënë në qarkullim si të vërteta nga kamarierët, në drejtim të klientëve të ndryshëm, thuhet në njoftimin e gjykatës.
Discussion about this post