Të shtunën zhvillohet derbi i Manchesterit ndërmjet United dhe Sitit. Një përballje shumë e rëndësishme për të dyja skuadrat që kërkojnë fitoren. Në vigjilje të kësaj përballje është prononcuar trajneri i Man City, Pep Guardiola i cili ka vlerësuar maksimalisht Ronaldon.
“Njerëzit filluan të tallnin b***ën kur deklarova se takimi me Brugge është më i rëndësishëm se ai me United.
Ashtu ishte me të vërtetë, ndërsa tani po deklaroj se derbi i fundjavës është ndeshja më e rëndësishme në botë.
Është koha të mendojmë për United. E kemi të qartë se ata kanë në përbërje një nga futbollistët më të mirë të historisë së futbollit, një nga golashënuesit më të mirë, i cili është një makineri golash.
E kemi përgatitur një plan se si do të luajmë, do tentojmë ta vendosim në praktikë atë që kemi menduar. Sigurisht që ne do të synojmë të luajmë futbollin tonë”, tha Guardiola.
Discussion about this post