Mjeku, Ilir Alimehmeti, ka deklaruar ditën e sotme se pavarësisht vaksinimit të hapur vendi ynë ndodhet akoma shumë larg imunitetit të tufës. Alimehmeti tregoi gjatë interviste televizive se, varianti Delta ka prishur shifrat e studimit të mëparshëm, pasi ka transmetueshmëri të lartë.
“Imuniteti i tufës është larg. Do marrim parasysh këtu se kush është dhe ku. Në korrik ka qenë për Tiranën, për një moshë të caktuar. Delta ka një transmetueshmëri të lartë, e prish atë shifër. Kërkon 85% minimumi. Është kalkulim i vështirë për t’u bërë. Na mungon studimi. Ky është i vetmi që kemi. Si bazohemi tani asaj, pasi kemi sot vaksinë. Të kesh shifra të ulta vaksinimi këtu ka diçka që nuk shkon.
Po ashtu, ai shton se të injektuarit me vaksinë që nuk janë në moshë të madhe, janë më rezistentët ndaj pandemisë. Prandaj, tha se kujdesi më i madh duhet fokusuar te grupet vurnerabël.
“S’kemi vështirësi te studentët, por një pjesë e asaj grupmoshe janë këta të rinj. Kemi më pak se 70-80 % të të moshuarve të vaksinuar. Ata që nuk e kanë bërë vaksinën në moshë të madhe, janë ata më rezistentët. Ky është studim që kemi bërë në Shqipëri. Ata që nuk vaksinohen, janë bërthamë e fortë, rriten me moshën”, pohoi Alimehmeti. Gjithsesi, ai theksoi se vazhdon të jetë kundër vaksinimit me detyrim.
Discussion about this post