“A do shkarkohen ata që folën?”/ Sylvinho shpjegon zgjedhjet e tij: Ja përse Uzuni ishte në lojë

Trajneri i Shqipërisë, Sylvinho, u shfaq i lumtur pas fitores ndaj Serbisë, por theksoi se asgjë nuk është mbyllur ende.

Në një prononcimin e tij ai foli për rëndësinë e besimit te lojtarët, komentet para ndeshjes dhe rrugëtimin drejt Botërorit.

“Sot është një ditë shumë e bukur, fituam një ndeshje të vështirë, bëmë një hap të madh, por asgjë nuk është mbyllur akoma. Është e rëndësishme që lojtarëve t’u jepet besimi, specifikisht Manajt që humbi edhe penalltinë, por ne punojmë gjithmonë me lojtarët që t’u jepet besimi i duhur.

Komplimentoj të gjithë lojtarët, futbolli është diçka më e vështirë. Zgjedhja e Uzunit ishte që të krijoheshin hapësirat që mund të bëhen mirë nga ai. Manaj ishte i shkëlqyer, Broja bëri ndeshje shumë të mirë dhe…

Para ndeshjes thanë: “Po humbe, do shkarkohesh”. A do i shkarkosh ti tani ata që folën, pasi fitove?

Ma kanë bërë pyetjen edhe gazetarët shqiptarë dhe ata serbë.

Për të ardhmen time mendoj unë, jam i koshient për punën që kemi bërë. Çdo gjë merret hap pas hapi, por për të ardhmen time mendoj unë.

Bajrami ishte i zhgënjyer, ai është lojtar që bën shumë mirë gjithmonë. Sigurisht që nuk i erdhi mirë për humbjen e rastit, por edhe portieri kundërshtar bëri shumë mirë.

Është moment i rëndësishëm, besoj që nuk ka ndodhur në historinë e Shqipërisë që para dy ndeshjeve të fundit të bëjmë një hap kaq të rëndësishëm”.