Një tjetër aksident rrugor është shënuar paraditen e kësaj të premteje në Fushë Krujë-Thumanë. Burime nga policia për gijotina.com bëjnë me dije se mjeti tip “Benz” me shoferin e identifikuar me iniciale A. N., ka përplasur për vdekje 65- vjeçarin Ded Bushi nga fshati Derven,
Fillimisht ai u transportua në spitalin e traumës në gjendje të rëndë, por nuk mundi t’iu shpëtonte plagëve.
Siç shihet edhe nga pamjet e siguruara nga gijotina.com përplasja ka qenë aq e fortë saqë 65- vjeçari i cili ishte duke udhëtuar me biçikletë ka përfunduar në mes shkurreve jashtë trotuarit të rrugës.
Nuk dihet ende nëse shoferi është shoqëruar nga policia, ndërsa paraprakisht shkak i aksidentit dyshohet se është bërë shpejtësia përtej normave të lejuara.
Theksojmë se shoferi ka shkelur sinjalistikat rrugore, pasi policia nuk ka qenë në patrullim.
Grupi hetimor ndodhet në vendngjarje dhe po punon për sqarimin e rrethanave të aksidentit.
Discussion about this post