Një aksident me pasojë vdekjen e një personi ka ndodhur pak minuta më parë në Lushnje. Lajmin e ka bërë të ditur fillimisht deputeti socialist Erion Braçe, i cili ka postuar pamjet në llogarinë e tij në Instagram bashkë me shkrimin ku bën thirrje që personat të cilët i japin motorit të vendosin gjithmonë maskë.
Në foton e publikuar, shihet se motori është rrëzuar në anë të rrugë dhe njerëz të zonës kanë rrethuar viktimën i cili ka përplasur kokën në bordurë. I aksidentuari ishte 63-vjeç dhe mësohet se ai ka ndërruar jetë rrugës për në spital. Ndërkohë të dhënat e publikuara nga policia tregojnë se viktima ka pësuar infarkt dhe është përplasur me bordurën. Grupi hetimor i ndodhur në vendngjarje po punon për zbardhjen e plotë të rrethanave të ngjarjes.
“E rëndë! Sapo, tani! Aksident me motor në Gjazë, banori i Gjazës ka gjetur vdekjen! Ka dalë nga rruga dhe është përplasur me kokë në bordurë! Humbi jetën rrugës për në spital.
Unë nuk di çfarë të them më! Nuk vlen motori se sa jeta oooo njerëz të mirë! Një kaskë në kokë do u shpëtonte jetën! Më dëgjoni! Mos refuzoni! Vini maskat në kokë nëse doni të ngisni motorët. S’u ka faj as policia e as Erion Braçe”, shkruan ai. Ndërsa ka shprehur se ky aks rrugorë është kthyer në probleme dhe për shkak se nuk respektohen rregullat rrugore.
Discussion about this post